Ĕнер чăваш чĕлхи кунне Патăрьел районĕнчи Тури Туçа шкулĕнче та анлăн паллă турĕç. Иртенпех чăваш юррисем янрарĕç. Тĕрлĕ вăйă-кулă, ăмăртусем ирттерчĕç. Уроксем хыççăн вара чăваш эстрада юррисен пысăк концерчĕ пулчĕ. Кунта вара 1 класран пуçласа 11 класс ачисем хутшăнчĕç. Чăннипех те, ачасем хăйсене артистсем пек тытма тата юрлама пултарни куракансене тĕлĕнтерчĕ. Тури Туçа шкулĕнче вĕренекен ачасем вĕренӳре те, ĕçре те, уявра çапла хастаррăн хутшăнни ашшĕ-амăшсене савăнтарчĕ.