Дебют… Пĕрремĕш хут…
Шкул сцени çинче пĕрремĕш хут шкулти пуканесен театрĕ хăйĕн ĕçĕпе паллаштарчĕ. Пиллĕкмĕш класра вĕренекенсем класс руководителĕ пулăшнипе "Хĕрлĕ шапкаллă кашкăр" пьесăна сцена çине кăларчĕç. Кашкăр рольне Саша Шашкин, Мулкача - Зоя Салмина, Автана - Лера Николаева, Кушаксене- Саша Захаров, Ирина Глинкина, Упана - Даниил Киргизов вылярĕç. Пьесăна 5-8 класра вĕренекенсем аван паллăпа хакларĕç. Çамрăк "пуканеçĕсене" спектакле кĕçĕн класри ачасене те, ача садне çÿрекенсене те кăтартма сĕнчĕç. Малашнехи пултарулăхра ăнăçу сунчĕç.