Паян, раштавǎн 8- мěшěнче, Тури Туçа вǎтам шкулěнче районти чǎваш чěлхипе литературине вěрентекенсен РМО ларǎвě иртрě. Чи малтанах вěсем Яковлева В.П. ирттернě «Ф.Павлов – тǎван çěр сěткенěпе вǎй илнě тěрлě енлě талант» урока итлерěç. Каярах класс тулашěнче ирттернě «Çиçсе тǎракан талант» уяв саманчěсене пǎхрěç. Уява Литература çулталǎкне тата К.В.Иванова халалланǎ. Чǎваш чěлхипе литературине вěрентекенсем Яковлева В.П. ирттернě урока та, литература уявне те пысǎк хак пачěç. Чǎвашлǎха, чǎвашсен ырǎ енěсене упраса хǎварма тата малалла аталантарма пултарнǎшǎн тав сǎмахě каларěç.