2017 çулхи ака уйăхĕн 24-мĕшĕнче Нăрваш Шăхалĕнчи вăтам шкулта Чăваш чĕлхи кунне халалласа «Сарпи вулавĕсем» пултарулăх кунĕ иртрĕ.
Мероприятие Чăваш Республикин вĕрентÿ министрĕ Юрий Николаевич Исаев, Чăваш республикин вĕренÿ институчĕн проректорĕ Светлана Владимировна Петрова, республикăра тухса тăракан «Хыпар» хаçат корреспонденчĕ Ирина Пушкина, чăваш халăх поэчĕ Юрий Сементер, Раиса Сарпипе Альбина Юрату сăвăçсем, Патăрьел районĕн администрацийĕн вĕрентÿ, çамрăксен политикин, физкультурăпа спорт управленийĕн начальникĕ Ирина Петровна Рубцова хутшăнчĕç.
Пирĕн шкултан та чăваш чĕлхипе литературине вĕрентекен Яковлева Валентина Петровнăпа 9 класра вĕренекен Николаева Виктория хутшăнчĕç.