Чăваш чĕлхи эрнин планĕпе килĕшÿллĕн ака уйăхĕн 23-мĕшĕнче сăвă калакансен конкурсĕ иртрĕ. Унăн тĕллевĕ ачасене тăван чĕлхене юратма вĕрентесси, чăваш чĕлхин хисепне, шайне çĕклесси пулчĕ. Сăвă вулама пуçламăш тата 5-9 классенче вĕренекенсем хатĕрленнĕ. Пирвай Яковлева В.П. вĕрентекен конкурса хутшăнакан ачасене пурне те ăнăçу сунчĕ. Малалла пултаруллă конкурсантсем чăваш поэчĕсен сăввисене уççăн янраттарчĕç. Уйрăмах куракансене Михайлова С., Жукова А. тата Сугутская А. илемлĕ вулани кăмăла кайрĕ. Конкурс пĕтĕмлетĕвĕ тăрăх çак маттур ачасем çакăн пек вырăнсене  тивĕçрĕç: пуçламăш классем хушшинче пĕрремĕш вырăна Михайлова София, Виноградова Ольга, Нягина София, Лиллин Андрей; иккĕмĕш вырăна Алексеева Кристина, Муравьёва Наталья; виççĕмĕш вырăна Тестов Константин тата Кузьмина София.

       5-9 классем хушшинче пĕрремĕш вырăна Жукова Анжелика (5кл.), Сугутская Анастасия (9кл.); иккĕмĕш вырăна Павлова Анна (5кл.), Титова Анастасия (5кл.), Сугутская Ольга         (5 кл.), Мулюкова Вика (5 кл); виççĕмĕш вырăна Амерханова Ландыш (5 кл), Горшкова Ангелина (6 кл.), Горшкова Юлия (7кл.) йышăнчĕç.

      Улттăмĕш класра вĕренекенсем Михайлов Николай тата Шашкина Виктория хăйсем çырнă «Çуркунне» ятлă сăввисене илемлĕ вуларĕç.

      Сăвă калакансене пурне те тав тăватпăр, çĕнтерÿçĕсене малашне те пысăк çитĕнÿсем тума сунатпăр.