Раштавăн  уйăхĕн 13-мĕшĕнче Кивĕ Ахпÿртри тĕп пĕлÿ паракан шкулта  район шайĕнче  «Марина Карягина вулавĕсем» сăвă конкурсĕ иртрĕ. Кăçалхи çул конкурса чылай  çĕнĕлĕхсем  кĕртрĕç. Тĕслĕхрен:

1.«Тĕнче сăнне илсе хам витĕр кăларăп...» сăвă вулакансен конкурсĕ. Ку конкурсра Тури Туçари вăтам шкулта  вĕренекен ачасем хастар хутшăнчĕç С. Нягина  4кл., С. Михайлова  5кл., А. Павловапа  А. Жукова 6 кл. Сăвăç чун-чĕреллĕ ачасене пурне те ĕнентерÿ хучĕсем, çĕнтерÿçĕсене Хисеп хучĕсем парса чыс турĕç.

2.«Хамри чăвашлăха кăтартасшăн…» инсценировка ăсталăхĕ.

3.Видеоролик, презентаци, лепбук, буктрейлер, буклет ăсталăхĕ.

 Жюри членĕсем пĕр шухăшлă пулса çĕнтерÿсене палăртрĕç. Тури Туçари  вăтам шкулта  11- мĕш  класра   вĕренекен   Д. Киргизов,  И. Глинкина,  С. Курицына Çĕнтерÿçĕ  ятсене тивĕç пулчĕç. Конкурса хутшăннă ачасене Хисеп хучĕсем парса чысларĕç, сăн ÿкертерчĕç.

   «Марина Карягина вулавĕсем» сăвă конкурсне хутшăнма хатĕрленĕ ачасен вĕрентекенĕсене те тав сăмахĕ калатпăр: Яковлева В.П., Осипова Н.Н., Козлова И.А.. Овечкина С.В. Çулран çул вулав конкурсĕсенче хутшăнса   пысăк çитĕнÿсем туса пыма сĕнетпĕр.