1992 - мěш ҫултанпа ака уйӑхӗн 25-мӗшӗнче Чӑваш Енре чӑваш чӗлхи кунне паллӑ тӑваҫҫӗ.  Çак уява чӑваш халӑхне ҫутта кӑларакан, хальхи чӑваш ҫырулӑхне йӗркелекен Иван Яковлевич Яковлев ҫуралнӑ кун ячӗпе халалланӑ.

Тури Туçари пěтěмěшле пěлÿ паракан вăтам шкулта тӑван ҫӗршыва юратас тӗллевпе Иван Яковлевич Яковлев ҫуралнӑранпа 176-ҫул ҫитнине халалланӑ уяв иртрӗ. Уявра ачасем чӑвашла юрӑсем юрлани кӑна мар, чӑваш поэчӗсен сӑввисене те вуларӗҫ. Ачасем тӑван чӗлхе илемне туйса илчӗҫ. 

Ҫакӑн пек мероприятисем ачасене хӑйсен ҫӗршывӗн тивӗҫлӗ гражданинӗ пулас тесен наци йӑли-йӗркисене, культурине хисеплеме, тӑван сӑмаха лайӑхлатма, тӑван чӗлхене юратма тата хаклама кирлине ӑнланса илме пулӑшаҫҫӗ.